வெற்றியை நோக்கி மண்டாடி

💥நடிகர் சூரி கதாநாயகனாக நடித்துள்ள ‘மண்டாடி’ (Mandaadi) திரைப்படத்தின் பிரம்மாண்ட இசை மற்றும் டிரெய்லர் வெளியீட்டு விழா (Audio Launch) கடந்த ஆகஸ்ட் 28 ஆகிய தேதிகளில் சென்னையில் மிக பிரம்மாண்டமாக நடைபெற்றது. இந்த விழா வழக்கமான ஆடியோ லாஞ்ச் போல இல்லாமல், சூரியின் 25 ஆண்டுகால சினிமா பயணத்தை கொண்டாடும் நிகழ்ச்சியாகவும் அமைந்தது. பிரஸ் மீட் மற்றும் இந்த விழாவில் படக்குழுவினர் பகிர்ந்துகொண்ட முக்கியத் தகவல்கள்

💥ஆர்.எஸ். இன்ஃபோடெயின்மென்ட் தயாரிப்பில் உருவாகியுள்ள மிகவும் எதிர்பார்க்கப்படும் விளையாட்டு பின்னணியிலான ஆக்‌ஷன் டிராமா திரைப்படமான ‘மண்டாடி’, தணிக்கை பணிகளை வெற்றிகரமாக நிறைவு செய்து U/A சான்றிதழ் பெற்றுள்ளது. இதன் மூலம், இப்படம் செப்டம்பர் 10, 2026 அன்று உலகம் முழுவதும் பிரம்மாண்டமாக திரையரங்குகளில் வெளியாகத் தயாராகியுள்ளது.

💥இயக்குநர் மதிமாறன் புகழேந்தி எழுதி இயக்கியுள்ள இப்படத்தை, ஆர்.எஸ். இன்ஃபோடெயின்மென்ட் பிரைவேட் லிமிடெட் சார்பில் எல்ரெட் குமார் தயாரித்துள்ளார். தனித்துவமான கதை உலகம், பாரம்பரிய விளையாட்டை மையமாகக் கொண்ட பின்னணி மற்றும் சூரியின் இதுவரை பார்த்திராத தோற்றம் ஆகியவற்றால் ‘மண்டாடி’ திரைப்படம் ஏற்கனவே ரசிகர்கள் மத்தியில் எதிர்பார்ப்பை அதிகரித்துள்ளது.

💥இப்படத்தின் இசையமைப்பாளர் ஜி.வி. பிரகாஷ் குமார் இசையில் இதுவரை இரண்டு பாடல்கள் வெளியாகியுள்ளன. உற்சாகமூட்டும் “மண்டாடி மண்டாடி” மற்றும் காதல் மெலடியான “உசுரே நீதான் புள்ள” ஆகிய இரு பாடல்களும் ரசிகர்கள் மற்றும் இசை ஆர்வலர்களிடம் நல்ல வரவேற்பைப் பெற்று வருகின்றன. இதன் மூலம் படத்தின் மீதான எதிர்பார்ப்பும் மேலும் அதிகரித்துள்ளது.

💥 சூரியின் முற்றிலும் மாறிய உடலமைப்பு, கம்பீரமான திரைத் தோற்றம் மற்றும் ஆற்றல்மிக்க நடிப்பு ஆகியவை ஏற்கனவே ரசிகர்களிடம் பாராட்டையும் ஆர்வத்தையும் ஏற்படுத்தியுள்ளன.

💥மீனவர்களின் பாய்மரப் படகுப் பந்தய கலாச்சாரத்தை மையமாகக் கொண்ட விளையாட்டு ஆக்‌ஷன் டிராமா

பாரம்பரிய மீனவர்களின் பாய்மரப் படகுப் பந்தய கலாச்சாரத்தால் ஈர்க்கப்பட்டு உருவாகியுள்ள ஒரு பிரம்மாண்டமான விளையாட்டு ஆக்‌ஷன் டிராமாவாக ‘மண்டாடி’ உருவாகியுள்ளது. இதுவரை பெரிதும் திரையில் பதிவு செய்யப்படாத ஒரு விளையாட்டு உலகத்தை இப்படம் ரசிகர்களுக்கு அறிமுகப்படுத்துகிறது.

கடலோரப் பின்னணியில் உருவாகியுள்ள இப்படம், விடாமுயற்சி, மன உறுதி, போட்டி மற்றும் கடலோடு தங்களது வாழ்க்கையைப் பின்னிப் பிணைத்துக் கொண்ட மக்களின் தளராத போராட்ட குணம் ஆகியவற்றைக் கொண்டாடுகிறது.
விளையாட்டு, ஆக்‌ஷன், உணர்வுகள் மற்றும் உறவுகள் ஆகியவற்றை ஒன்றிணைக்கும் இப்படம், தனது கதைக்களம் அமைந்துள்ள பகுதியின் கலாச்சாரம் மற்றும் வாழ்க்கை முறையுடன் ஆழமாகப் பயணிக்கிறது. கதையிலும் காட்சியமைப்பிலும் கடல் முக்கியப் பங்கு வகிக்கும் நிலையில், ரசிகர்களுக்கு பிரம்மாண்டமான மற்றும் ஆழமான திரையரங்க அனுபவத்தை வழங்கும் வகையில் ‘மண்டாடி’ உருவாக்கப்பட்டுள்ளது.:

💥நாகப்பட்டினம் மாவட்டத்தைச் சேர்ந்த மீனவ மக்கள் மற்றும் அவர்களின் பாரம்பரிய கடலோரப் படகுப் போட்டிகளை (Sea Boat Racing) மையமாகக் கொண்டு ஒரு ஆக்ஷன் டிராமாவாக இப்படம் உருவாகியுள்ளது.

💥’மண்டாடி’ என்பதன் அர்த்தம்: படகில் இருக்கும் 6 வீரர்களை நீர்வழிப் பார்த்து, வழிநடத்திச் செல்லும் ‘கேப்டன்’-ஐத் தான் கடலோர மக்கள் ‘மண்டாடி’ என்று அழைப்பார்கள் என நடிகர் சூரி விளக்கமளித்தார்

💥நட்சத்திரப் பட்டாளத்துடன் சிறப்பான தொழில்நுட்பக் குழு

💥சூரியுடன் இணைந்து சுஹாஸ், மகிமா நம்பியார், சத்யராஜ், ரவீந்திர விஜய், அச்சுத்குமார், பால சரவணன், மிதுன் மற்றும் கீர்த்திகா உள்ளிட்ட பலர் முக்கிய கதாபாத்திரங்களில் நடித்துள்ளனர்.

💥எல்ரெட் குமாரின் ஆர்.எஸ். இன்ஃபோடெயின்மென்ட் பிரைவேட் லிமிடெட் சார்பில் பிரம்மாண்டமான பொருட்செலவில் தயாரிக்கப்பட்டுள்ள ‘மண்டாடி’, பாரம்பரிய பாய்மரப் படகுப் பந்தய உலகத்தை உண்மைத்தன்மையுடனும் பிரம்மாண்டமான சினிமா அனுபவத்துடனும் திரையில் கொண்டு வரும

💥நடிகர் சத்யராஜ் பேச்சு: “மண்டாடி படம் நிச்சயமாக ரூ.1,000 கோடி வசூல் செய்யும்” என்று நடிகர் சத்யராஜ் மேடையில் நெகிழ்ச்சியுடனும் நம்பிக்கையுடனும் பேசினார்

💥சூரி – வெற்றிமாறன் நெகிழ்ச்சியான தருணம் ❤️
சூரி பேசும்போது, தனக்கு கிடைக்கும் கைதட்டலும் விசிலும் இயக்குநர் வெற்றிமாறனுக்கே சேரும் என்று உருக்கமாகக் குறிப்பிட்டார். விடுதலை மூலம் தன்னை கதாநாயகனாக வேறு உயரத்திற்கு அழைத்துச் சென்றதற்காக வெற்றிமாறனுக்கு நன்றி தெரிவித்தார்.

சூரியின் அம்மா உருக்கம் 😢
விழாவில் சூரியின் குடும்பத்தினர் பலரும் கலந்து கொண்டனர். சூரியின் கடந்த கால கஷ்டங்களை நினைவுகூர்ந்த அவரது அம்மா, அவர் சினிமாவில் வருவதற்கு முன்பு சந்தித்த வறுமை மற்றும் போராட்டங்களைப் பற்றி பேசும்போது உணர்ச்சிவசப்பட்டார். இந்த தருணம் விழாவின் மிகவும் நெகிழ்ச்சியான பகுதிகளில் ஒன்றாக இருந்தது

சூரி – சுஹாஸ் நடனம் 💃🕺
ஆடியோ லாஞ்சில் சூரியும் சுஹாஸும் இணைந்து நடனமாடியது ரசிகர்களை உற்சாகப்படுத்தியது. குறிப்பாக படத்தின் பாடல்கள் மற்றும் சூரியின் நடனம் ஏற்கனவே கவனம் பெற்றிருந்த நிலையில், மேடை நடனம் ரசிகர்களுக்கு கூடுதல் கொண்டாட்டமாக அமைந்தது

சூரியின் உருக்கமான பேச்சு: தான் சினிமாவில் நுழைந்த ஆரம்ப காலத்தில், சென்னையில் வெறும் 300 ரூபாய் வாடகை கூட கொடுக்க முடியாமல், குடிக்கத் தண்ணீர் மட்டுமே குடித்துவிட்டுப் பட்டினியாகக் கிடந்த நாட்களை நினைவுகூர்ந்து சூரி உணர்ச்சிவசப்பட்டார். மேலும், மேடையில் தன் தாயைக் கண்டதும் அவர் கண்கலங்கினார். விழாவில் மேடையில் ஏறி சூரி மாஸாக நடனமாடியதும் வைரலானது
சூரியின் பிரம்மிக்க வைக்கும் மாற்றம்
‘மண்டாடி’ படத்தின் முக்கியமான சிறப்பம்சங்களில் ஒன்று, இப்படத்திற்காக சூரி மேற்கொண்டுள்ள குறிப்பிடத்தக்க உடல் மாற்றம். இதுவரை ரசிகர்கள் பார்த்திராத வகையில், தீவிரமான மற்றும் உடல் ரீதியாக சவால் நிறைந்த கதாபாத்திரத்தில் சூரி நடித்துள்ளார். அவரது நடிப்பில் முற்றிலும் மாறுபட்ட பரிமாணத்தை இப்படம் ரசிகர்களுக்கு வழங்க உள்ளது.
கதாபாத்திரத்திற்கு முழுமையான நம்பகத்தன்மையை கொண்டுவரும் வகையில், சூரி கடுமையான உடற்பயிற்சி மற்றும் விரிவான கடல் பயிற்சிகளில் ஈடுபட்டுள்ளார். மேலும், டூப் ஆர்டிஸ்ட்கள் எவரையும் பயன்படுத்தாமல், கடலில் படமாக்கப்பட்ட சவாலான சண்டைக் காட்சிகளிலும் அவரே நடித்துள்ளார். இப்படத்திற்காக அவர் மேற்கொண்ட தயாரிப்பு மற்றும் அர்ப்பணிப்பை இது வெளிப்படுத்துகிறது.

💥.இயக்குநர் மதிமாறன் மன்னிப்பு: இப்படத்தின் படப்பிடிப்பு முழுவதும் நிஜமான கடல் அலைகளுக்கு நடுவே சவாலாக எடுக்கப்பட்டது. “சூரியை கடலில் தூக்கிப் போட்டு ரொம்பவே கஷ்டப்படுத்திவிட்டேன்” என்று கூறி இயக்குநர் மதிமாறன் புகழேந்தி சூரியிடம் மேடையில் மன்னிப்பு கேட்டார்.

☘️RJ பாலாஜியின் சூரி பாராட்டு
சினிமா பின்னணி இல்லாமல் வந்து, சுமார் 25 ஆண்டுகள் போராடி கதாநாயகனாக உயர்ந்த சூரி, விடாமுயற்சியால் யாரும் சாதிக்க முடியும் என்பதற்கு உதாரணம் என்று RJ பாலாஜி பாராட்டினார்

💥 கடலில் படப்பிடிப்பு – மிகப்பெரிய சவால் 🌊
படத்தின் முக்கிய சிறப்புகளில் ஒன்று உண்மையான கடல் சூழலில் நடந்த படப்பிடிப்பு. படத்தொகுப்பாளர் பிரதீப் இ. ராகவ், கடலில் ஒளிப்பதிவு செய்வது மிகவும் கடினம் என்றும், பல திரைப்படங்கள் கடலில் சில காட்சிகளை மட்டும் படமாக்கிவிட்டு கிரீன் மேட்/CGI பயன்படுத்துவதாகவும், ஆனால் ‘மண்டாடி’யில் கடல் படப்பிடிப்பு மிக முக்கியமானதாக இருந்ததாகவும் தெரிவித்தார்.

🎬 இன்னொரு சுவாரஸ்யமான தகவல்
‘மண்டாடி’ மீனவர்களின் வாழ்க்கை, கடல் மற்றும் படகுப் போட்டியை மையமாகக் கொண்ட படம். சூரி இதில் முத்துக்காளி என்ற கதாபாத்திரத்தில் நடித்துள்ளார். ஜி.வி. பிரகாஷ் இசையமைத்துள்ளார்; மதிமாறன் புகழேந்தி இயக்கியுள்ளார்.

.
❤️விருந்தினர்கள் வாழ்த்து: இந்த விழாவில் இயக்குநர்கள் வெற்றிமாறன், மற்றும் இசையமைப்பாளர் ஜி.வி. பிரகாஷ் குமார் ஆகியோர் கலந்துகொண்டு படக்குழுவினரைப் பாராட்டினர்.

💥படக்குழு விபரம்இயக்குநர்: மதிமாறன் புகழேந்தி (செல்ஃபி பட இயக்குநர்).தயாரிப்பு: ஆர்.எஸ். இன்போடெயின்மென்ட் (எsharedல்ரெட் குமார்) மற்றும் வெற்றிமாறன்.இசை: ஜி.வி. பிரகாஷ் குமார்.நட்சத்திரங்கள்: சூரி, மஹிமா நம்பியார், தெலுங்கு நடிகர் சுஹாஸ் (தமிழில் அறிமுகம்), சத்யராஜ், பாலசரவணன் மற்றும் பலர்.இந்தத் திரைப்படத்தில் பங்களிப்பு செய்துள்ளார்கள்

☘️இப்படம் மிக பெரிய வெற்றியை கொடுக்கும் வாழ்த்துக்கள் கிளாசிக் சினிமா

☘️ மக்கள் தொடர்பாளர் ரேகா அவர்கள்